Department of Community, Equality and Gaeltacht Affairs

Eolas faoin Roinn

Bunaíodh an Roinn Gnóthaí Pobail, Comhionannais agus Gaeltachta mar chuid den athstruchtúrú ar Ranna agus ar ghníomhaireachtaí a d’fhógair an Taoiseach i nDáil Éireann, an 23ú Márta 2010, chun breis comhtháthaithe agus soláthar níos éifeachtaí a chinntiú. 

Tá an Roinn Gnóthaí Pobail, Comhionannais agus Gaeltachta freagrach as raon leathan de bheartais agus de chláir.  Is i mBaile Átha Cliath atá ceanncheathrú na Roinne agus tá príomhoifigí eile na Roinne lonnaithe sna Forbacha, i gCo. na Gaillimhe, agus i dTobar an Choire, Co. Shligigh. De bhun chinntí an Rialtais ar an gClár Díláraithe bogfaidh ceanncheathrú na Roinne go Baile Chathail, Co. Mhaigh Eo.

Áirítear iad seo a leanas ar na feidhmeanna a bhfuil an Roinn freagrach go sonrach astu:

• Cláir Forbartha Áitiúla agus Pobail
• Tacaíocht Phobail & Dheonach
• Beartas ar Chuimsiú Sóisialta agus Beartas Teaghlaigh
• Comhionannas, Cearta an Duine agus Lánpháirtiú
• Míchumas
• Comhordú ar an Straitéis Náisiúnta Drugaí
• Tionscnaimh Forbartha Tuaithe, lena n-áirítear Clár Forbartha Tuaithe an AE 2007-2013
• An Ghaeilge
• An Ghaeltacht
• forbairt na n-oileán amach ó chósta na hÉireann a bhfuil daoine ina gcónaí orthu.

Cistítear líon áirithe de Bhoird agus de ghníomhaireachtaí Stáit a bhfuil freagrachtaí orthu a bhaineann leis an earnáil phobail, tuaithe, comhionannais, le hearnáil na Gaeltachta agus na Gaeilge ó Vóta Grúpa na Roinne, lena n-áirítear dhá chomhlacht forfheidhmithe trasteorann - An Foras Teanga lena gcuimsítear Foras na Gaeilge agus Tha Boord o Ulster Scotch agus Uiscebhealaí Éireann a ndéanann an Roinn comhurraíocht orthu (i gcomhar leis an Roinn Cultúir, Ealaíon agus Fóillíochta i dTuaisceart Éireann) de réir théarmaí an Achta um Chomhaontú na Breataine-na hÉireann 1999.

Naisc chuig Gníomhaireachtaí agus Comhlachtaí faoi Ranna Choimirce::